கலை, அறிவியல் படித்தாலும் வேலைவாய்ப்புகள் அதிகம் உண்டு

பொறியியல், மருத்துவம் சார்ந்த படிப்புகளை படித்தால்தான் வேலைவாய்ப்பு உண்டு. கலை, அறிவியல் படித்தால் வேலைவாய்ப்புகள் குறைவு என்ற நிலை இப்போது மாறியுள்ளது.

- 

கலை, அறிவியல் படிப்புகள் மீதான ஆர்வம் மாணவர்களுக்கு அதிகரித்துள்ள நிலையில், வேலைவாய்ப்புகளும் அதிகம் உள்ளன.

எஸ்.எஸ்.எல்.சி., பிளஸ் 2 தேர்ச்சி பெறுபவர்களில் பெரும்பாலானோர் உயர்கல்விக்குச் செல்லாமல், இடையில் நின்று பணிக்குச் செல்கின்றனர். இதிலும், 10 சதவீதம் பேர் மட்டுமே நல்ல மதிப்பெண்கள் பெற்று, பொருளாதாரப் பின்புலம் கொண்டவர்களாக இருக்கின்றனர். இவர்கள் நல்ல கல்வி நிறுவனங்களையும் தரமான படிப்புகளையும் தேர்வு செய்கின்றனர். மீதமுள்ளவர்கள் கிடைத்த கல்லூரியில், கிடைத்த படிப்பில் சேர்கின்றனர்.

இருப்பினும், தமிழகத்தில் உயர்கல்விக்கான வாய்ப்புகள் அதிகம் உள்ளது. இதேநேரத்தில், கல்வி உதவித்தொகை, விலையில்லா கல்வி உதவிகள், நலத்திட்டங்கள் உள்ளிட்டவற்றை மத்திய, மாநில அரசுகள் அதிகம் வழங்குகின்றன. இதைத் தவிர, கல்வி அறக்கட்டளைகளும், தொண்டு நிறுவனங்களும், தொழில்துறையினரும், அரசியல் கட்சியினரும் என தனிப்பட்ட முறையில் பலரும் கல்விக்கு உதவி புரிகின்றனர்.