ரயில்வே துறையில் விரைவில் தமிழ் ஏ.ஐ. தொழில்நுட்பம்

தமிழ் ஏ.ஐ. தொழில்நுட்பத்தை ரயில்வே துறையில் பயன்படுத்த விரைவில் நடவடிக்கை எடுக்கப்படும் என்று மத்திய ரயில்வே துறை அமைச்சர் அஸ்வினி வைஷ்ணவ் தெரிவித்தார்.

- 

சென்னை, ஜூன் 10:

தமிழ் மொழிக்காக பிரத்யேகமாக செயற்கை நுண்ணறிவுப் பணிகளை உருவாக்க தமிழ் ஏ.ஐ. என்ற திட்டம் தொடங்கப்பட்டுள்ளது. இதற்காக சென்னை ஐஐடி ஆராய்ச்சி பூங்காவில் செயல்படும் டெஃபோடெக் பிரைவேட் லிமிடெட் நிறுவனம் ஐஐடி ஆராய்ச்சி பூங்காவுடன் இணைந்து ஆராய்ச்சி மேற்கொள்ளும். இதன் மூலம் உருவாக்கப்படவுள்ள செயலியைப் பயன்படுத்துவோர் தமிழில் கேள்விகளைக் கேட்கலாம், கட்டுரைகள்-கவிதைகள் எழுதலாம். தமிழ் இலக்கணம், சங்க இலக்கியங்கள் குறித்து அறிந்து கொள்வதுடன், உலகெங்கும் உள்ள மக்கள் தமிழ் கற்கலாம்.