பள்ளிகள் திறப்பு: மாணவர்களுக்கு புத்தகங்கள் வழங்கல்

நாகை மாவட்டத்தில் 592 பள்ளிகளில் பயிலும் 71,511 மாணவர்களுக்கு கல்வி உபகரணங்கள் வழங்கும் நிகழ்ச்சியை ஆட்சியர் ப. ஆகாஷ் தொடங்கிவைத்தார்.

- 

நாகப்பட்டினம்/மயிலாடுதுறை, ஜூன் 2: நாகை மாவட்டத்தில் 592 பள்ளிகளில் பயிலும் 71,511 மாணவர்களுக்கு கல்வி உபகரணங்கள் வழங்கும் நிகழ்ச்சியை ஆட்சியர் ப. ஆகாஷ் தொடங்கிவைத்தார். கோடை விடுமுறை முடிந்து பள்ளிகள் திங்கள்கிழமை திறக்கப்பட்டதையடுத்து, நாகை மாவட்டத்தில் அரசு மற்றும் அரசு உதவிபெறும் பள்ளிகளில் பயிலும் மாணவர்களுக்கு பாட புத்தகங்கள் மற்றும் கல்வி உபகரணங்கள் வழங்கும் நிகழ்வு கீழ்வேளுர் அரசு மேல்நிலைப்பள்ளியில் திங்கள்கிழமை நடைபெற்றது. நிகழ்ச்சியில், மாவட்ட ஆட்சியர் ப. ஆகாஷ், நாகை எம்பி வை. செல்வராஜ், மீன்வளர்ச்சி கழகத் தலைவர் என். கௌதமன், கீழ்வேளுர் எம்எல்ஏ வி.பி. நாகை மாலி ஆகியோர் பங்கேற்று 371 மாணவர்களுக்கு கல்வி உபகரணங்களை வழங்கினர். நாகை மாவட்டத்தில் செயல்படும் ஊராட்சி ஒன்றிய தொடக்கப் பள்ளிகள் 265, ஊராட்சி ஒன்றிய நடுநிலைப் பள்ளிகள் 85, அரசு உயர்நிலைப் பள்ளிகள் 50, ஆதிதிராவிடர் உயர்நிலைப் பள்ளிகள் 2, அரசு மேல்நிலைப் பள்ளிகள் 44 என மொத்தம் 446 அரசு பள்ளிகள், தொடக்கப்பள்ளிகள் 97, நடுநிலைப் பள்ளிகள் 28, உயர்நிலைப் பள்ளிகள் 2, மேல்நிலைப் பள்ளிகள் 9 என மொத்தம் 136 அரசு உதவிபெறும் பள்ளிகள், உயர்நிலைப்பள்ளிகள் 8, மேல்நிலைப்பள