மாவட்ட ஆணழகன் போட்டி: திருவாரூர் இளைஞர் முதலிடம்

மன்னார்குடியில் ஞாயிற்றுக்கிழமை நடைபெற்ற மாவட்ட அளவிலான மிஸ்டர் எம். ஆர்டி கிளாசிக்- 2025 அமெச்சூர் ஆணழகன் போட்டியில், திருவாரூர் இளைஞர் முதலிடம் பெற்று ஆணழகனாகத் தேர்வு செய்யப்பட்டார்.

- 

மன்னார்குடி, ஜூன் 2:

இப்போட்டி, அமெச்சூர் ஆணழகன் சங்க மாவட்டத் தலைவர் ஏ.பி. அசோகன் தலைமையில் நடைபெற்றது. குத்துச்சண்டை கழக மாவட்டத் துணைத் தலைவர் பி.ஜி. பாரதி, பளுதூக்கும் சங்க மாவட்டச் செயலாளர் எம். அன்வர்தீன் ஆகியோர் முன்னிலை வகித்தனர்.

மாவட்ட குத்துச்சண்டை கழகத் தலைவரும், தரணி கல்விக் குழுமத்தின் தாளாளருமான எஸ். காமராஜ், சிறப்பு அழைப்பாளராகப் பங்கேற்றுப் போட்டியைத் தொடங்கி வைத்தார்.