தலைமை காஜி மறைவு: ஆளுநர், தலைவர்கள் இரங்கல்

தமிழ்நாடு அரசின் தலைமை காஜி முஃப்தி சலாவுத்தீன் முகமது அயூப் (84) மறைவுக்கு ஆளுநர், அரசியல் கட்சிகளின் தலைவர்கள் இரங்கல் தெரிவித்தனர்.

- 

சென்னை, மே 25: தமிழ்நாடு அரசின் தலைமை காஜி முஃப்தி சலாவுத்தீன் முகமது அயூப் (84) மறைவுக்கு ஆளுநர், அரசியல் கட்சிகளின் தலைவர்கள் இரங்கல் தெரிவித்தனர்.

ஆளுநர் ஆர்.என். ரவி: தமிழக அரசின் தலைமை காஜி முஃப்தி சலாவுத்தீன் முகமது அயூப் மறைவால் ஆழ்ந்த துயரமுற்றேன். புகழ்பெற்ற இஸ்லாமிய அறிஞர் மற்றும் இரக்கம் நிறைந்த தலைவராக அவர் விளங்கினார். அவரது குடும்பத்தினருக்கும் அபிமானிகளுக்கும் எனது நெஞ்சார்ந்த இரங்கல்கள் என அந்த பதிவில் குறிப்பிட்டுள்ளார் ஆளுநர்.