இந்தியா-பாகிஸ்தான் மோதல் போக்கு வேண்டாம்: அமெரிக்கா வலியுறுத்தல்

பாகிஸ்தான் பயங்கரவாத தாக்குதலைத் தொடர்ந்து இந்தியா-பாகிஸ்தான் இடையே பதற்றமான சூழல் அதிகரித்துவரும் சூழலில், மோதல் போக்கை கைவிடுமாறு இரு நாடுகளையும் அமெரிக்கா கேட்டுக்கொண்டுள்ளது.

- 

வாஷிங்டன், லண்டன், ஏப். 30:

இது தொடர்பாக இரு நாடுகளின் வெளியுறவு அமைச்சர்களிடமும் அமெரிக்க வெளியுறவு அமைச்சர் மார்கோ ரூபியோ பேச்சுவார்த்தை மேற்கொள்ள உள்ளார் என்று அமெரிக்கா தெரிவித்துள்ளது.

அதுபோல, இந்த பதற்றமான சூழலுக்கு இந்தியாவும், பாகிஸ்தானும் பேச்சுவார்த்தை மூலம் அமைதித் தீர்வைக் காண வேண்டும் என்று பிரிட்டன் அழைப்பு விடுத்ததுள்ளது.

அமெரிக்காவின் வாஷிங்டன் நகரில் செவ்வாய்க்கிழமை நடைபெற்ற பத்திரிகையாளர் சந்திப்பில் அந்நாட்டின் வெளியுறவுத் துறை செய்தித்தொடர்பாளர் டாமி புரூஸ் கூறியதாவது: பாகிஸ்தான் பயங்கரவாதத் தாக்குதல் விவகாரத்தில் இரு நாடுகளும் மோதல் போக்கை அதிகரிக்கவேண்டாம் என்று இந்தியா, பாகிஸ்தான் நாடுகளிடம் அமெரிக்கா கேட்டுக்கொண்டுள்ளது. இது தொடர்பாக இரு நாடுகளின் வெளியுறவு அமைச்சர்களிடமும் அமெரிக்க வெளியுறவு அமைச்சர் மார்கோ ரூபியோ பேச்சுவார்த்தை மேற்கொள்ள உள்ளார்.

இந்தியா-பாகிஸ்தான் இடையே பதற்றத்தைத் தணிக்க மற்ற நாடுகளின் வெளியுறவு அமைச்சர்களை யும் மார்கோ ரூபியோ தொடர்பு கொண்டு கேட்டுக்கொள்ளவிருக்கிறார் என்றார்.