சீன வெளியுறவு அமைச்சர் நாளை இந்தியா வருகை

எல்லை விவகாரங்கள் தொடர்பான 24-ஆவது சுற்று பேச்சுவார்த்தையில் பங்கேற்க சீன வெளியுறவு அமைச்சர் வாங் யீ இந்தியாவுக்கு இரண்டு நாள் பயணமாக திங்கட்கிழமை (ஆக.18) வரவுள்ளார்.

- 

புது தில்லி, ஆக. 16: இத்தகவலை, இந்திய வெளியுறவு அமைச்சகம் சனிக்கிழமை வெளியிட்டது.

சீனாவின் தியான்ஜின் நகரில் ஆகஸ்ட் 31, செப்டம்பர் 1 ஆகிய தேதிகளில் ஷாங்காய் ஒத்துழைப்பு அமைப்பின் வருடாந்திர உச்சி மாநாடு நடைபெறுகிறது.

இதில் பங்கேற்க பிரதமர் மோடி சீனா செல்வார் என எதிர்பார்க்கப்படும் நிலையில், அந்நாட்டு வெளியுறவு அமைச்சரின் இந்தியப் பயணம் முக்கியத்துவம் பெற்றுள்ளது.