பாலஸ்தீனத்துக்கு அங்கீகாரம்: ஆஸ்திரேலியாவும் அறிவிப்பு

பாலஸ்தீனத்தை தனி நாடாக அங்கீகரிக்கவிருப்பதாக பிரான்ஸ், பிரிட்டன், கனடாவுக்கு அடுத்தபடியாக ஆஸ்திரேலியாவும் அறிவித்தது.

- 

வெலிங்டன், ஆக 11:

இதுகுறித்து அந்த நாட்டு பிரதமர் ஆன்டனி ஆல்பனேசி கூறியதாவது:

பாலஸ்தீனத்துக்கு அங்கீகாரம் அளிப்பதற்கான நடவடிக்கைகளை வரும் செப்டம்பர் மாதம் நடைபெறவுள்ள ஐ.நா. பொதுச்சபைக் கூட்டத்தில் மேற்கொள்ள அமைச்சரவை திங்கள்கிழமை ஒப்புதல் அளித்தது.

எங்களின் சில நிபந்தனைகளை பாலஸ்தீன அரசு நிறைவேற்றுவதைப் பொருத்து இந்த முடிவு செயல்படுத்தப்படும்.

மத்திய கிழக்கில் தொடரும் வன்முறைச் சங்கிலியை உடைத்தெறிய இரு தேசத் தீர்வை (இஸ்ரேலும், பாலஸ்தீனமும் ஒன்றையொன்று அங்கீகரித்துக் கொண்டு சுதந்திர அண்டை நாடுகளாகச் செயல்படுவது) மட்டுமே மனிதாபிமானம் தழைப்பதற்கான ஒரே நம்பிக்கை.