சமரச மையத்தின் சட்ட சேவையை பயன்படுத்திக் கொள்ளலாம்

நீதிபதி பேச்சு

- 

திருவண்ணாமலை ஆரணி, ஏப்.9: சமரச மையத்தின் இலவச சட்ட சேவையை பொதுமக்கள் பயன்படுத்திக் கொள்ளலாம் என்று திருவண்ணாமலை மாவட்ட முதன்மை அமர்வு நீதிபதி பி.மதுசூதனன் பேசினார்.

திருவண்ணாமலை மாவட்ட சமரச மையம் சார்பில், சமரச தின விழிப்புணர்வுப் பேரணி நடைபெற்றது.

மாவட்ட வன அலுவலகம் எதிரில் இருந்து புறப்பட்ட பேரணிக்கு, மாவட்ட ஆட்சியர் க.தர்பகராஜ் தலைமை வகித்தார்.

மாவட்ட காவல் கண்காணிப்பாளர் எம்.சுதாகர், மாவட்ட வருவாய் அலுவலர் இரா.இராம்பிரதீபன் ஆகியோர் முன்னிலை வகித்தனர்.

மாவட்ட முதன்மை அமர்வு நீதிபதி பி.மதுசூதனன் சிறப்பு அழைப்பாளராகக்கலந்துகொண்டுவிழிப்புணர்வுப் பேரணியை தொடங்கி வைத்தார்.

பின்னர் அவர் பேசியதாவது: திருவண்ணாமலை மாவட்டத்தின் அனைத்து நீதிமன்றங்களிலும் சமரச மையம் செயல்பட்டு வருகிறது. வழக்கு தொடர்பாக நீதிமன்றத்தில் நேரடியாகவோ அல்லது வழக்குரைஞர் மூலமோ ஆஜராகும் பொதுமக்கள் தங்கள் வழக்கை சமரச மையத்துக்கு அனுப்பிவைக்குமாறு கூறலாம்.