மருதமலை சுப்பிரமணிய சுவாமி கோயில் கும்பாபிஷேகம்

பல்லாயிரக்கணக்கானோர் பங்கேற்பு

- 

மதுக்கரை, ஏப்.4: மருதமலை சுப்பிரமணிய சுவாமி கோயிலில் வெள்ளிக்கிழமை நடைபெற்ற கும்பாபிஷேக விழாவில் பல்லாயிரக்கணக்கானோர் பங்கேற்றனர்.

கோவை மாவட்டம், பேரூர் வட்டம், மருதமலையில் அமைந்துள்ள சுப்பிரமணிய சுவாமி கோயில் முருகனின் 7-ஆம் படைவீடு என்று பக்தர்களால் போற்றப்படுகிறது. இக்கோயிலுக்கு கோவை மட்டுமின்றி தமிழகத்தின் பல்வேறு மாவட்டங்களில் இருந்தும், பல்வேறு மாநிலங்களில் இருந்தும் ஏராளமான பக்தர்கள் நாள்தோறும் வந்து செல்கின்றனர்.

இக்கோயில் கும்பாபிஷேகம் கடந்த 12 ஆண்டுகளுக்கு முன்பு நடைபெற்ற நிலையில், இந்து சமய அறநிலையத் துறை சார்பில் மீண்டும் கும்பாபிஷேகம் நடத்த முடிவு செய்யப்பட்டது.