ஜனநாயகன் திரைப்பட விவகாரம்: உச்சநீதிமன்றத்தில் மேல்முறையீடு

நடிகர் விஜய் நடித்த ஜனநாயகன் திரைப்படத்துக்கு தணிக்கைச் சான்று வழங்க வேண்டும் என்ற தனி நீதிபதி உத்தரவுக்கு இடைக்காலத் தடை விதித்த சென்னை உயர்நீதிமன்ற இரு நீதிபதிகள் அமர்வின் உத்தரவை எதிர்த்து படத்தின் தயாரிப்பாளர் உச்சநீதிமன்றத்தில் மேல்முறையீட்டு மனு தாக்கல் செய்துள்ளார்.

- நமது நிருபர்

விஜய் நடித்த ஜனநாயகன் திரைப்படத்தை கடந்த 9-ஆம் தேதி வெளியிட தயாரிப்பு நிறுவனம் திட்டமிட்டிருந்தது. ஆனால், படத்துக்கு தணிக்கைச் சான்று வழங்க மறுத்த மத்திய திரைப்பட சான்றிதழ் வாரியம், படத்தில் மதரீதியான ஆட்சேபணைக்குரிய காட்சிகள் இடம்பெற்றுள்ளன; பாதுகாப்புப் படை சின்னங்களும் இடம்பெற்றுள்ளன என்று கூறி மறு ஆய்வுக் குழுவுக்கு பரிந்துரைத்தது.