பாலியல் வன்கொடுமையைத் தவிர்க்க வீட்டிலேயே இருங்கள்

பாலியல் வன்கொடுமையைத் தவிர்க்க வீட்டிலேயே இருக்குமாறு பெண்களை அறிவுறுத்தும் வகையில் குஜராத்தில் போக்குவரத்து போலீஸார் ஒட்டிய சுவரொட்டிகளால் சர்ச்சை ஏற்பட்டுள்ளது.

- 

அகமதாபாத், ஆக. 2:

குஜராத்தின் அகமதாபாத் நகரில் உள்ள பல்வேறு பகுதிகளிலும் சர்ச்சைக்குரிய வாசகங்கள் அடங்கிய சுவரொட்டிகள் ஒட்டப்பட்டிருந்தன.

‘நள்ளிரவு விருந்துகளில் பங்கேற்காதீர்கள் - நீங்கள் பாலியல் வன்கொடுமைக்கு ஆளாகலாம்’, ‘உங்கள் நண்பருடன் இருள்சூழ்ந்த மற்றும் தனியான இடங்களுக்கு செல்ல வேண்டாம்’ என்பது போன்ற வாசகங்கள் அந்தச் சுவரொட்டிகளில் இடம்பெற்றிருந்தன.

இந்தச் சுவரொட்டிகளை குஜராத் போக்குவரத்து போலீஸார் ஒட்டியதாகக் கூறப்படுகிறது. இதற்கு எதிர்க்கட்சிகள் கடும் கண்டனம் தெரிவித்துள்ளன. குஜராத்தில் பெண்களின் பாதுகாப்பு தொடர்பாக அவை கேள்வி எழுப்பியுள்ளன.