பாகிஸ்தானுக்கு மத்திய அரசு அனுமதி?

இந்தியாவில் நடைபெறவுள்ள ஆசிய கோப்பை ஹாக்கி, ஜூனியர் உலகக் கோப்பை ஹாக்கி போட்டிகளில் பங்கேற்க பாகிஸ்தான் அணிகளுக்குத் தடை விதிக்கப்படாது என மத்திய விளையாட்டு அமைச்சக வட்டாரங்கள் தெரிவித்தன.

- 

புது தில்லி, ஜூலை 3:

பல்வேறு நாடுகள் பங்கேற்கும் இதுபோன்ற போட்டிகளில் பாகிஸ்தானுக்கு அனுமதி மறுப்பது, ஒலிம்பிக் விதிகளை மீறியதாக இருக்கும் என்றும் அவை கூறின.

ஆசிய கோப்பை ஹாக்கி போட்டி பிகாரில் ஆகஸ்ட் - செப்டம்பர்லும், ஜூனியர் உலகக் கோப்பை ஹாக்கி போட்டி சென்னை, மதுரை யில் நவம்பர் - டிசம்பரிலும் நடைபெறவுள்ளன.

பாகிஸ்தான் பயங்கரவாத தாக்குதல், அதற்கான இந்தியாவின் பதிலடி, அதைத் தொடர்ந்து இந்தியா - பாகிஸ்தான் இடையே எழுந்த போர்ப் பதற்றம் ஆகியவற்றால், இந்தப் போட்டிகளில் பாகிஸ்தான் அனுமதிக்கப்படுவது தொடர்பாக சந்தேகங்கள் எழுந்தன.