பயங்கரவாத இயக்கத்துக்கு ஆள் சேர்த்த வழக்கில் சிக்கியவரின் சொத்து முடக்கம்

தமிழகத்தில் பயங்கரவாத இயக்கத்துக்கு ஆள் சேர்த்த வழக்கில் சிக்கிய நபரின் சொத்துகளை என்ஐஏ (தேசிய புலனாய்வு முகமை) முடக்கியது.

- 

சென்னை, ஜூன் 30:

சென்னையில் கடந்த ஆண்டு ஜூன் மாதம் ஒரு யூடியூப் சேனலில் தடை செய்யப்பட்ட ஹிஸ்பு-உத்-தஹீர் இயக்கத்துக்கு ஆதரவான கருத்துகள் இருந்ததை பெருநகர காவல்துறையின் சைபர் குற்றப்பிரிவு போலீஸார் கண்டறிந்து, விசாரணை செய்தனர்.

இதில், சென்னை ராயப்பேட்டையைச் சேர்ந்த ஹமீது உசேன் என்பவர், ‘டாக்டர் ஹமீது உசேன் டாக்ஸ்’ என்ற பெயரில் அந்த யூடியூப் சேனல் மூலம் தடை செய்யப்பட்ட பயங்கரவாத இயக்கத்துக்கு ஆதரவாகப் பேசி, மூளைச் சலவை செய்து இளைஞர்களை திரட்டி வந்ததும், ராயப்பேட்டை ஜானி ஜான் கான் சாலையில் இதற்காக அலுவலகம் அமைத்து ஒவ்வொரு ஞாயிற்றுக்கிழமையும் ரகசிய கூட்டம் நடத்தி, தடை செய்யப்பட்ட இயக்கத்துக்கு ஆதரவான கருத்துகளை பரப்பி வந்ததும் தெரியவந்தது.