பயங்கரவாதத்தை எதிர்கொள்ள விரிவான ஒத்துழைப்பு

பயங்கரவாதத்தை எதிர்கொள்ள 'பிரிக்ஸ்' நாடுகள் இடையே விரிவான ஒத்துழைப்பு அவசியம் என்று இந்தக் கூட்டமைப்பு நாடுகளின் தூதர்கள் வலியுறுத்தினர்.

- 

புது தில்லி, ஜூன் 21:

பிரிக்ஸ் கூட்டமைப்பில் பிரேசில், ரஷியா, இந்தியா, சீனா, தென்னாப்பிரிக்கா ஆகிய நாடுகளுடன் எகிப்து, எத்தியோப்பியா, ஈரான், ஐக்கிய அரபு அமீரகம் ஆகிய நாடுகள் 2024-இல் இணைந்தன. நடப்பாண்டில் இந்தோனேசியாவும் இணைந்தது. இக்கூட்டமைப்பின் உச்சி மாநாடு, பிரேசிலின் ரியோ டி ஜெனீரோவில் அடுத்த மாதம் நடைபெறவுள்ளது.

இதில் பிரதமர் மோடி பங்கேற்பார் என எதிர்பார்க்கப்படும் நிலையில், தில்லியில் பிரேசில் தூதரகம் மற்றும் உலகளாவிய இந்திய நுண்ணறிவு மையம் என்ற ஆய்வு அமைப்பு சார்பில் கருத்தரங்கம் நடைபெற்றது.