அமலாக்கத் துறை விசாரணைக்கு ஆஜராகாத ராபர்ட் வதேரா

பிரிட்டனைச் சேர்ந்த ஆயுத வியாபாரி சஞ்சய் பண்டாரி தொடர்புடைய பண முறைகேடு வழக்கில் காங்கிரஸ் எம்.பி. பிரியங்கா காந்தியின் கணவர் ராபர்ட் வதேராவுக்கு அமலாக்கத் துறை அழைப்பாணை அனுப்பியிருந்த நிலையில், விசாரணைக்கு அவர் செவ்வாய்க்கிழமை ஆஜராகவில்லை.

- 

புது தில்லி, ஜூன் 17:

ஏற்கெனவே, இந்த வழக்கில் கடந்த 10-ஆம் தேதி ராபர்ட் வதேரா விசாரணைக்கு அழைக்கப்பட்டிருந்தார். அப்போது அவர் கரோனா தொற்றுக்கான பரிசோதனை மேற்கொண்டிருப்பதால் மாற்று தேதியில் ஆஜராவார் என்று அவரது தரப்பில் தெரிவிக்கப்பட்டது.

இதையடுத்து, செவ்வாய்க்கிழமை விசாரணைக்கு ஆஜராகுமாறு ராபர்ட் வதேராவுக்கு அமலாக்கத் துறை புதிய சம்மன் அனுப்பியிருந்தது. ஆனால், அவர் விசாரணைக்கு ஆஜராகவில்லை.