தமிழ்நாடு தவ்ஹீத் ஜமாஅத் உறுப்பினர்கள் மீதான வெறுப்பு பேச்சு வழக்குகள்: ரத்து செய்ய மறுப்பு

உச்சநீதிமன்ற மற்றும் உயர்நீதிமன்ற நீதிபதிகள், உத்தர பிரதேச முதல்வர் யோகி ஆதித்யநாத் ஆகியோரை அவமதித்தும், நாடாளுமன்ற தாக்குதலின் முக்கியக் குற்றவாளியான அஃப்சல் குருவைப் புகழ்ந்தும் பேசிய தமிழ்நாடு தவ்ஹீத் ஜமாஅத் உறுப்பினர்கள் இருவர் மீதான வெறுப்பு பேச்சு வழக்குகளை ரத்து செய்ய உச்சநீதிமன்றம் மறுத்துவிட்டது.

- 

புது தில்லி, ஏப். 29:

உச்சநீதிமன்ற நீதிபதிகள் விக்ரம் நாத், சந்தீப் மேத்தா ஆகியோர் அமர்வு கடந்த 22-ஆம் தேதி வழங்கிய தீர்ப்பில், இந்த இரண்டு பேருக்கு எதிராக தமிழகம் மற்றும் கர்நாடகத்தில் பதிவு செய்யப்பட்ட மூன்று வழக்குகளை ஒன்றிணைத்தும் உத்தரவிடப்பட்டுள்ளது.

தமிழகத்தின் மதுரையில் கடந்த 2022-ஆம் ஆண்டு, மார்ச் 17-ஆம் தேதி நடைபெற்ற போராட்டமொன்றில் பேசிய இந்த இருவர், 'நாடாளுமன்ற தாக்குதலுக்கு மூளையாகச் செயல்பட்ட அஃப்சல் குருவைப் புகழ்ந்து கருத்து தெரிவித்துள்ளனர்.