காங்கிரஸ் தன்னை வலுப்படுத்த முயல்வது தவறா?

கேரளம், மேற்கு வங்கம், தமிழ்நாடு ஆகிய மாநிலங்களில் காங்கிரஸ் தனது கட்சியை வலுப்படுத்த முயல்வது எப்படி கூட்டணியைப் பலவீனப்படுத்தும் செயலாகும் என்று காங்கிரஸ் கட்சியின் மக்களவை உறுப்பினர் மாணிக்கம் தாகூர் கேள்வி எழுப்பினார்.

- நமது நிருபர்

தில்லியில் நடைபெற்ற இண்டி கூட்டணி கூட்டத்தில் விடுதலைச் சிறுத்தைகள் கட்சியின் தலைவர் தொல். திருமாவளவன் சில கேள்விகளை எழுப்பியிருந்தார். இதற்குப் பதிலளிக்கும் விதமாக தன்னுடைய எக்ஸ் சமூக வலைதளப் பக்கத்தில் மாணிக்கம் தாகூர் பதிவிட்டிருப்பதாவது:

விசிக தலைவர் கூறிய கருத்து வியப்பாக உள்ளது. கேரளம், மேற்கு வங்கம், தமிழ்நாடு ஆகிய மாநிலங்களில் காங்கிரஸ் தனது கட்சியை வலுப்படுத்த முயல்வது எப்படி கூட்டணியை பலவீனப்படுத்தும் செயலாகும்? ஒவ்வொரு கட்சிக்கும் தனது அமைப்பையும் வாக்கு வங்கியையும் வளர்த்துக்கொள்ளும் உரிமை உள்ளது.