3-ஆவது சுற்றில் அல்கராஸ், ஜோகோவிச்

கிராண்ட்ஸ்லாம் டென்னிஸ் போட்டியான யுஎஸ் ஓபனில், ஸ்பெயினின் கார்லோஸ் அல்கராஸ், செர்பியாவின் நோவக் ஜோகோவிச் ஆகியோர் 3-ஆவது சுற்றுக்கு வியாழக்கிழமை முன்னேறினர்.

- 

நியூயார்க், ஆக. 28:

உலகின் 2-ஆம் நிலை வீரரான அல்கராஸ் 6-1, 6-0, 6-3 என்ற நேர் செட்களில் மிக எளிதாக, இத்தாலியின் மட்டியா பெலுச்சியை வீழ்த்தினார். 3-ஆவது சுற்றில் அவர், மற்றொரு இத்தாலியரான லூசியானா டார்டெரியை சந்திக்கிறார்.

24 முறை கிராண்ட்ஸ்லாம் சாம்பியனான ஜோகோவிச் 6-7 (5/7), 6-3, 6-1 என்ற வகையில், அமெரிக்காவின் ஜசாரி வஜ்தாவை தோற்கடித்தார். அடுத்து அவர், பிரிட்டனின் கேமரூன் நோரியை எதிர்கொள்கிறார்.

போட்டித்தரவரிசையில் 4-ஆம் இடத்திலிருக்கும் அமெரிக்காவின் டெய்லர் ஃப்ரிட்ஸ் 4-6, 7-6 (7/3), 6-2, 6-4 என்ற செட்களில் தென்னாப்பிரிக்காவின் லாய்ட் ஹாரிஸை சாய்த்தார்.