மதுரையில் த.வெ.க. மாநாடு: லட்சக்கணக்கில் திரண்ட தொண்டர்கள்

மதுரை பாரபத்தியில் வியாழக்கிழமை நடைபெற்ற தமிழக வெற்றிக் கழகத்தின் 2-ஆவது மாநில மாநாட்டில் லட்சக்கணக்கான தொண்டர்கள் திரண்டு வந்து பங்கேற்றனர்.

- 

திருப்பரங்குன்றம், ஆக. 21: மதுரை பாரபத்தியில் வியாழக்கிழமை நடைபெற்ற தமிழக வெற்றிக் கழகத்தின் 2-ஆவது மாநில மாநாட்டில் லட்சக்கணக்கான தொண்டர்கள் திரண்டு வந்து பங்கேற்றனர்.

இந்த மாநாட்டில் பங்கேற்பதற்காக சென்னை, வேலூர், திருச்சி உள்ளிட்ட தமிழகத்தின் பல்வேறு பகுதிகளிலிருந்தும் திரளான தொண்டர்கள் புதன்கிழமை இரவு முதல் மாநாட்டுத் திடலில் குவிந்த வண்ணம் இருந்தனர். வியாழக்கிழமை காலை 10 மணி அளவில் மாநாட்டுப் பந்தலில் அனைத்து இருக்கைகளும் நிரம்பின.

மயங்கி விழுந்த தொண்டர்கள்: கடும் வெயில் காரணமாக, மாநாட்டுத் திடலில் விரிக்கப்பட்டிருந்த தரை விரிப்புகளை எடுத்து கட்சியினர் தற்காலிகக் கூடாரம் அமைத்து வெயிலில் இருந்து தங்களைத் தற்காத்துக் கொண்டனர். சிலர் நாற்காலிகளை நிழல் குடை போல மாற்றி தலையில் வைத்துப் பிடித்துக் கொண்டனர்.