அன்று கூவத்துக்குப் போட்டி... இன்று மகாநதி...

குடியாத்தம் நகருக்கு வகிடெடுத்தாற்போல சென்று கொண்டிருப்பது கௌண்டன்ய மகாநதி. 'ஆக்கிரமிப்புகள், குறுங்காடுகள் போன்ற முள்புதர்கள், விஷப்பூச்சிகளின் நடமாட்டம், சமூக விரோதிகளின் கூடாரம், எந்த நேரமும் கழிவுநீர் ஓடியபடி திகழ்ந்திருந்த இந்த 'மினிக் கூவம்', இன்று நகரமே வியக்கும் அளவுக்கு புதுப்பொலிவுடன் மாறியிருக்கிறது.

- 

'இது எப்படி சாத்தியமாயிற்று' என்று இந்த மாற்றத்தை முதலில் தொடங்கிய குடியாத்தம் கிரீன் டவுன் (ஜி.ஜி.டி) அமைப்பின் தலைவர் வி.ரித்தீஷிடம் பேசியபோது:

“கௌண்டன்ய மகாநதியானது ஆந்திர மாநிலத்தில் தொடங்கி, தமிழ்நாடு எல்லையான மோர்தானாவில் நுழைந்து குடியாத்தம் வழியாகச் சென்று, ஐதர்புரம் அருகே பாலாற்றில் கலக்கிறது. இந்த நதியின் குறுக்கே தமிழக எல்லையில் கட்டப்பட்டுள்ளதுதான் மோர்தானா அணை.