காரணம்பேட்டையில் புற்றுநோய் கண்டறியும் முகாம்: மாவட்ட ஆட்சியர் ஆய்வு

பல்லடம் அருகேயுள்ள காரணம்பேட்டை அரசு ஆரம்ப சுகாதார நிலையத்தில் செவ்வாய்க்கிழமை நடைபெற்ற புற்றுநோய் கண்டறியும் முகாமை திருப்பூர் மாவட்ட ஆட்சியர் தா.கிறிஸ்துராஜ் பார்வையிட்டு ஆய்வு செய்தார்.

- 

பல்லடம், ஜூன் 10:

பல்லடம் வட்டார சுகாதாரத்துறை நடைபெற்ற இம்முகாமுக்கு வட்டார மருத்துவ அலுவலர் மருத்துவர் சுடர்விழி தலைமை வகித்தார். இதில் 18 வயதுக்கு மேற்பட்டவர்களுக்கு வாய்ப்புற்று நோய், 30 வயதுக்கு மேற்பட்ட பெண்களுக்கு கருப்பை வாய் புற்றுநோய் மற்றும் மார்பக புற்றுநோய் பரிசோதனை மேற்கொள்ளப்பட்டது. பாதிப்பு உள்ளவர்களை சிகிச்சைக்கு பரிந்துரை செய்தனர்.

இந்த முகாமை மாவட்ட ஆட்சியர் தா.கிறிஸ்துராஜ் நேரில் பார்வையிட்டு ஆய்வு செய்தார்.