கூட்டுறவு வங்கிகளில் சிபில் அறிக்கையின்படி பயிர்க் கடன் வழங்கும் உத்தரவை ரத்து செய்யக் கோரிக்கை

தொடக்க வேளாண்மை கூட்டுறவு சங்கங்களில் சிபில் அறிக்கையின்படி (CIBIL Report) மட்டுமே பயிர்க்கடன் வழங்க வேண்டும் என்ற தமிழக அரசின் சுற்றறிக்கையை ரத்து செய்ய வேண்டும் என தமிழக விவசாயிகள் பாதுகாப்பு சங்கம் கோரிக்கை விடுத்துள்ளது.

- 

பல்லடம், ஜூன் 6:

இது குறித்து அச்சங்கத்தின் தலைவர் வழக்குரைஞர் ஈசன் முருகசாமி வெளியிட்டுள்ள அறிக்கையில் கூறியிருப்பதாவது:

கூட்டுறவு சங்கங்கள் என்பது விவசாயிகளின் பங்களிப்பில் உருவாக்கப்பட்டு செயல்பட்டு வருபவை. மத்திய, மாநில அரசுகள் ஒழுங்குபடுத்த முடியுமே தவிர கூட்டுறவு சங்கங்களை தானே பொறுப்பேற்று நடத்த முடியாது. ஆனால், தமிழ்நாடு அரசின் கூட்டுறவு சங்கங்களின் மாநிலப் பதிவாளர், இணைப் பதிவாளர்கள், துணைப் பதிவாளர்களை வைத்து தொடக்க வேளாண்மை கூட்டுறவு சங்கங்களை சுயமாக செயல்பட விடாமல் அரசின் திட்டங்களை செயல்படுத்துவதற்கு மட்டுமே நடத்தி வருகிறார்கள்.