பாகிஸ்தானுக்காக உளவு பார்த்த ராஜஸ்தான் அரசு ஊழியர் கைது

பாகிஸ்தானுக்கு உளவு பார்த்ததாக ராஜஸ்தானின் ஜெய்சால்மர் நகரைச் சேர்ந்த அரசு ஊழியர் ஷாகுர் கான் கைது செய்யப்பட்டார்.

- 

ஜெய்பூர், மே 29:

உளவுத்துறை நடத்திய ரகசிய விசாரணை அடிப்படையில் அவர் மீது இந்த நடவடிக்கை எடுக்கப்பட்டுள்ளது. அவரிடம் உளவுத்துறை அதிகாரிகள் தீவிர விசாரணை நடத்தி வருகின்றனர்.

ஆபரேஷன் சிந்தூர் நடவடிக்கைக்குப்பிறகு இந்தியாவில் இருந்து கொண்டு பாகிஸ்தானுக்கு தகவல் அளிக்கும் தேச துரோக செயல்களில் ஈடுபடும் நபர்கள் குறித்த கண்காணிப்பை உளவு, விசாரணை அமைப்புகள் தீவிரப்படுத்தியுள்ளன. முக்கியமாக, பஹல்காம் தாக்குதலுக்குப் பிறகு இணையம், கைப்பேசி வழியாக பாகிஸ்தானுடன் தொடர்பில் இருந்த நபர்களின் விவரங்கள், சந்தேகத்துக்குரிய தகவல் தொடர்புகள் குறித்த விவரங்கள் சேகரிக்கப்பட்டு ரகசிய கண்காணிப்பு நடைபெற்று வருகிறது. இதன் அடிப்படையில் பலர் கைது செய்யப்பட்டு வருகின்றனர்.