தனியார் பங்கேற்பை அனுமதிக்க அணுசக்தி சட்டத்தில் திருத்தம்: மத்திய அரசு திட்டம்

வரும் 2047-ஆம் ஆண்டுக்குள் 100 ஜிகா வாட் அணு மின் உற்பத்தி செய்ய மத்திய அரசு இலக்கு நிர்ணயித்துள்ள நிலையில், இத்துறையில் தனியாரை அனுமதிக்கும் வகையில் துறை சார்ந்த ஒழுங்காற்று ஆணையம் உள்பட அணுசக்தி துறை சார்ந்த நடைமுறைச் சட்டங்களில் திருத்தங்களை மேற்கொள்ள மத்திய அரசு பரிசீலித்து வருகிறது.

- 

புது தில்லி, மே 19:

இதுகுறித்து மத்திய அரசு வட்டாரங்கள் கூறியதாவது:

நாடு முழுவதும் உள்ள அணு மின் நிலையங்கள் இந்திய அணுசக்தி கழகத்தின் கட்டுப்பாட்டின் கீழ் உள்ளன. இவற்றின் மூலம் 8.7 ஜிகா வாட் மின் உற்பத்தி செய்யப்படுகின்றன. இந்த மின் உற்பத்தி அளவை வரும் 2047-ஆம் ஆண்டுக்குள் 100 ஜிகா வாட் அளவுக்கு உயர்த்த மத்திய அரசு இலக்கு நிர்ணயித்துள்ளது.