திருமணப் பதிவு மட்டுமே போதுமானதல்ல; மதச் சம்பிரதாயப்படி நடப்பதே ஹிந்து திருமணம்

திருமணத்தைப் பதிவு செய்து கொள்வதால் மட்டுமே அதை ஹிந்து திருமணம் என்று ஏற்றுக் கொள்ள முடியாது. அந்தப் பிராந்தியம், கலாசாரத்தில் மதச் சம்பிரதாயப்படி நடப்பதையே ஹிந்து திருமணம் என்று ஏற்றுக் கொள்ள முடியும் என்று குஜராத் உயர்நீதிமன்றம் தெரிவித்துள்ளது.

- 

பிரிட்டனைச் சேர்ந்த ஒருவர், குஜராத் பெண் மற்றும் அவரது குடும்பத்துக்கு எதிராக மாநில உயர்நீதிமன்றத்தில் ஒரு மனு தாக்கல் செய்திருந்தார்.

அதில், 'சம்பந்தப்பட்ட பெண்ணுடன் எனக்கு திருமணம் நடைபெறாதபோதிலும், திருமணம் நடைபெற்றதாகக் கூறி பதிவுச் சான்றிதழை வைத்து மாவட்ட நீதிமன்றத்தில் அவர்கள் வழக்குத் தொடுத்தனர்.

அந்தச் சான்றிதழில் எனது கையொப்பம் போலியாக இடப்பட்டுள்ளது. அந்தச் சான்றிதழின் அடிப்படையில் நாங்கள் இருவரும் கணவன்-மனைவி என்று உறுதி செய்த மாவட்ட நீதிமன்றம், திருமணம் செல்லபடியாகும் என்று தீர்ப்பளித்தது.