சின்னர் முன்னேற்றம்; ஸ்வெரெவ் அதிர்ச்சித் தோல்வி

யுஎஸ் ஓபன் டென்னிஸ் போட்டியில் நடப்பு சாம்பியனான இத்தாலியின் யானிக் சின்னர், காலிறுதிக்கு முந்தைய சுற்றுக்கு முன்னேறினார்.

- 

நியூயார்க், ஆக. 31: முன்னணி வீரரான ஜெர்மனியின் அலெக்ஸாண்டர் ஸ்வெரெவ், 3-ஆவது சுற்றில் அதிர்ச்சித் தோல்வி கண்டார்.

ஆடவர் ஒற்றையர் 3-ஆவது சுற்றில், உலகின் நம்பர் 1 வீரரான சின்னர் 5-7, 6-4, 6-3, 6-3 என்ற செட்களில், கனடாவின் டெனிஸ் ஷாபோவலோவை வீழ்த்தினார். ரவுண்ட் ஆஃப் 16-இல் அவர், கஜகஸ்தானின் அலெக்ஸாண்டர் பப்லிக்கை எதிர்கொள்கிறார்.

முன்னதாக பப்லிக், 7-6 (7/5), 6-7 (4/7), 6-3, 6-7 (5/7), 6-1 என 5 செட்கள் போராடி, போட்டித் தரவரிசையில் 14-ஆம் இடத்திலிருந்த அமெரிக்காவின் டாமி பாலை வீழ்த்தி தோற்கடித்து அசத்தினார்.