தேரூர் பேரூராட்சித் தலைவி ஜாதி சான்றிதழ் விவகாரம்: தனி நீதிபதி உத்தரவை உறுதி செய்தது உயர்நீதிமன்றம்

கன்னியாகுமரி மாவட்டம், தேரூர் பேரூராட்சித் தலைவியின் ஜாதி சான்றிதழை ரத்து செய்து தனி நீதிபதி பிறப்பித்த உத்தரவை உறுதி செய்து சென்னை உயர்நீதிமன்ற மதுரை அமர்வு அண்மையில் உத்தரவிட்டது.

- 

மதுரை, ஆக. 30:

கன்னியாகுமரி மாவட்டம், தேரூர் பேரூராட்சி உறுப்பினர் அய்யப்பன் சென்னை உயர்நீதிமன்ற மதுரை அமர்வில் தாக்கல் செய்த மனு: கடந்த 2022-ஆம் ஆண்டு நடைபெற்ற உள்ளாட்சித் தேர்தலில் தேரூர் பேரூராட்சி எட்டாவது வார்டில் திமுக சார்பில் போட்டியிட்டு வெற்றி பெற்றேன். இதே பேரூராட்சியில் வார்டு எண் 2-இல் பெண்கள் பொது வார்டில் அதிமுக சார்பில் அமுதாராணி போட்டியிட்டு வெற்றி பெற்றார். தேரூர் பேரூராட்சித் தலைவர் பதவி பட்டியல் சமுதாயத்தினருக்கு ஒதுக்கப்பட்டிருந்தது. ஆனால், இந்துவான அமுதாராணி கடந்த 2005-இல் கிறிஸ்தவராக மதம் மாறி அந்த முறைப்படி திருமணம் செய்தார்.