பாளை., நான்குனேரி வட்டங்களில் 5,349 பேருக்கு ரூ.5.85 கோடி நலத்திட்ட உதவிகள்

அமைச்சர் கே.என்.நேரு வழங்கினார்

- 

திருநெல்வேலி, ஆக. 23: பாளையங்கோட்டை, நான்குனேரி வட்டங்களில் 5,349 பேருக்கு வரன்முறை பட்டா உள்ளிட்ட பல்வேறு நலத்திட்ட உதவிகள் சனிக்கிழமை வழங்கப்பட்டது.

பாளையங்கோட்டை வட்டத்துக்குள்பட்ட 4,428 பயனாளிகளுக்கு ரூ.2.74 கோடி மதிப்பில் வரன்முறை பட்டாக்கள் மற்றும் நலத்திட்ட உதவிகள் வழங்கும் நிகழ்ச்சி மாவட்ட ஆட்சியர் அலுவலகத்தில் சனிக்கிழமை நடைபெற்றது. ஆட்சியர் இரா. சுகுமார் தலைமை வகித்தார். எம்.எல்.ஏ-க்கள் மு.அப்துல் வஹாப் (பாளையங்கோட்டை), ரூபி ஆர். மனோகரன் (நான்குனேரி), மேயர் கோ.ராமகிருஷ்ணன், ஆணையர் மோனிகா ராணா, துணை மேயர் கே.ஆர். ராஜு, மாவட்ட ஊராட்சித் தலைவர் வி.எஸ்.ஆர்.ஜெகதீஷ், முன்னாள் சட்டப்பேரவைத் தலைவர் இரா.ஆவுடையப்பன் ஆகியோர் முன்னிலை வகித்தனர்.