தர்மஸ்தலா விவகாரம்: புகார் அளித்தவர் கைது

காவலில் எடுத்து எஸ்ஐடி விசாரணை

- 

மங்களூரு, ஆக. 23: கர்நாடக மாநிலம், தர்மஸ்தலாவில் நூற்றுக்கணக்கான சடலங்கள் புதைக்கப்பட்டுள்ளதாக புகார் அளித்த சி.என்.சின்னையாவை சிறப்பு புலனாய்வுக்குழு அதிகாரிகள் சனிக்கிழமை கைது செய்தனர்.

தென்கன்னட மாவட்டம், தர்மஸ்தலாவில் உள்ள ஸ்ரீமஞ்சுநாத சுவாமி கோயில் உலகப் புகழ் பெற்றது. இக்கோயிலை வீரேந்தர ஹெக்டே தலைமையிலான அறக்கட்டளை நிர்வகித்து வருகிறது.

இந்நிலையில், 1995 முதல் 2014-ஆம் ஆண்டுவரை தர்மஸ்தலா கோயிலில் துப்புரவுத் தொழிலாளியாக பணியாற்றிக் கொண்டிருந்த போது பாலியல் வன்கொடுமைக்கு ஆளான நூற்றுக்கணக்கான இளம் பெண்களின் சடலங்களை புதைத்ததாகக் கூறி மண்டை ஓட்டுடன் காவல் நிலையத்துக்குச் சென்று சி.என்.சின்னையா என்பவர் புகார் அளித்தார்.

தனது கருத்துகளை நீதிமன்ற நடுவர் முன் வாக்குமூலமாகவும் தெரிவித்திருந்தார். 2012-ஆம் ஆண்டில் ஒரு கல்லூரி மாணவி பாலியல் வன்கொடுமைக்கு ஆளாக்கப்பட்டு, கொலை செய்யப்பட்டதாக புகார் எழுந்தது.

இதைத் தொடர்ந்து, உச்சநீதிமன்ற ஓய்வு பெற்ற நீதிபதி வி.கோபால் கௌடா தலைமையிலான குழுவினர், தர்மஸ்தலா சடலங்கள் புதைப்பு விவகாரம் குறித்து விசாரணை நடத்த வேண்டும் என்று மாநில அரசை வலியுறுத்தினார்.