தமிழக புதிய டிஜிபியை தேர்வு செய்ய எந்தவொரு முன்மொழிவும் வரவில்லை

யுபிஎஸ்சி தகவல்

- 

சென்னை, ஆக. 22: தமிழகத்தின் புதிய டிஜிபியை தேர்வு செய்வதற்கான எந்தவொரு முன்மொழிவும் தமிழக அரசிடம் இருந்து இதுநாள்வரை (ஆக. 22) வரவில்லை என்று மத்திய பணியாளர் தேர்வாணையம் (யுபிஎஸ்சி) வெள்ளிக்கிழமை தெரிவித்தது.

தற்போது தமிழக காவல் துறையின் தலைமை இயக்குநராக இருக்கும் சங்கர் ஜிவால், 2023, ஜூன் 30-ஆம் தேதி பொறுப்பேற்றார். அவரது பதவிக்காலம் ஆகஸ்ட் (2025) 31-ஆம் தேதியுடன் நிறைவு பெறுகிறது. இதனால் புதிய தலைமை இயக்குநர் பதவிக்கு தகுதிவாய்ந்த உயரதிகாரியை தேர்வு செய்யும் பணியில் தமிழக அரசு தீவிரம் காட்டி வந்தது.