கோப்பை வென்றார் ஸ்வியாடெக்

அமெரிக்காவில் நடைபெற்ற சின்சினாட்டி ஓபன் டென்னிஸ் போட்டியில் ஆடவர் ஒற்றையர் பிரிவில், உலகின் 2-ஆம் நிலை வீரரான ஸ்பெயினின் கார்லோஸ் அல்கராஸ் சாம்பியன் கோப்பை வென்றார்.

- 

சின்சினாட்டி, ஆக. 19:

இறுதிச்சுற்றில் அவரை எதிர்கொண்ட நடப்பு சாம்பியனும், உலகின் நம்பர் 1 வீரருமான இத்தாலியின் யானிக் சின்னர், உடல்நலக் குறைவால் போட்டியிலிருந்து விலக, அல்கராஸ் வெற்றியாளராக அறிவிக்கப்பட்டார்.

கேம்களின் இடையே மருத்துவரிடம் சிகிச்சை எடுத்துக்கொண்ட போதும் சின்னரால் தொடர்ந்து விளையாட முடியாமல் போக, முதல் செட்டில் 0-5 என பின்தங்கிய நிலையில் சின்னர் விலகினார். 22 நிமிஷங்களிலேயே ஆட்டம் முடிவுக்கு வந்தது.

இதையடுத்து சின்சினாட்டி ஓபனில் முதல்முறையாக சாம்பியன் பட்டம் வென்ற அல்கராஸ், ஒட்டுமொத்தமாக தனது 8-ஆவது மாஸ்டர்ஸ் கோப்பையை கைப்பற்றினார். அனைத்து போட்டிகளிலுமாக நடப்பு சீசனில் அல்கராஸுக்கு இது 6-ஆவது பட்டமாகும். அவரின் டென்னிஸ் கேரியரில் இது 22-ஆவது பட்டம்.