பிரதமர் மோடியுடன் சுபான்ஷு சுக்லா சந்திப்பு

சர்வதேச விண்வெளி நிலையத்துக்குப் பயணம் மேற்கொண்ட இந்திய விண்வெளி வீரர் சுபான்ஷு சுக்லா, பிரதமர் நரேந்திர மோடியை அவரது அதிகாரபூர்வ இல்லத்தில் திங்கள்கிழமை சந்தித்து கலந்துரையாடினார்.

- 

புது தில்லி, ஆக. 18: சர்வதேச விண்வெளி நிலையத்துக்குப் பயணம் மேற்கொண்ட இந்திய விண்வெளி வீரர் சுபான்ஷு சுக்லா, பிரதமர் நரேந்திர மோடியை அவரது அதிகாரபூர்வ இல்லத்தில் திங்கள்கிழமை சந்தித்து கலந்துரையாடினார்.

இஸ்ரோ விண்வெளி வீரர் உடையை அணிந்திருந்த சுக்லாவை பிரதமர் மோடி அன்புடன் ஆரத்தழுவி வரவேற்றார். இந்தச் சந்திப்பின்போது, சுக்லா தனது 'ஆக்ஸியம்-4' திட்ட முத்திரையின் (மிஷன் பேட்ச்) மாதிரி மற்றும் சர்வதேச விண்வெளி நிலையத்துக்குக் கொண்டு சென்ற தேசியக் கொடியை பிரதமருக்குப் பரிசளித்தார். சர்வதேச விண்வெளி நிலையத்தில் இருந்து எடுத்த சில பிரத்யேக புகைப்படங்களையும் பிரதமர் மோடியுடன் சுக்லா பகிர்ந்து கொண்டார்.