தெற்குகள்ளிகுளம் அதிசய பனிமாதா பேராலயத் திருவிழா கொடியேற்றம்

திருநெல்வேலி மாவட்டம், தெற்குகள்ளிகுளம் பரிசுத்த அதிசய பனிமாதா பேராலயத்தின் 140ஆவது ஆண்டு திருவிழா ஞாயிற்றுக்கிழமை மாலை கொடியேற்றத்துடன் தொடங்கியது.

- 

வள்ளியூர், ஜூலை 27:

கத்தோலிக்க கிறிஸ்தவர்களின் புண்ணிய ஸ்தலமான இத்திருத்தல திருவிழா ஞாயிற்றுக்கிழமை மாலை 6.30 மணிக்கு கொடியேற்றத்துடன் தொடங்கியது. முன்னதாக, புனித மிக்கேல் அதிதூதர் சப்பரம் ரத வீதிகளில் பவனியாக எடுத்து வரப்பட்டது.

அதன் பின்னர் தூத்துக்குடி மறைமாவட்ட ஆயர் ஸ்டீபன் மற்றும் குருவானவர்களை தர்மகர்த்தா எஸ். மரியராஜ் தலைமையில் ஊர் பெரியவர்கள் மேளதாளத்துடன் அழைத்து வந்தனர்.

தூத்துக்குடி மறைமாவட்ட ஆயர் தலைமையில் தெற்குகள்ளிகுளத்தைச் சேர்ந்த குருவானவர்கள் பீற்றர் பாஸ்டின், ரெனோ ஆகியோர் ஜெபம் செய்து அர்ச்சித்தனர். பின்னர் தர்மகர்த்தா கொடியேற்றினார்.