இலக்கியமும், இசையும் இல்லாமல் மனிதனாக இருக்க முடியாது

உயர்நீதிமன்ற நீதிபதி என்.ஆனந்த்வெங்கடேஷ்

- 

கோவை, ஏப்.27: இலக்கியமும், இசையும் இல்லாமல் மனிதனாக இருக்க முடியாது என்று சென்னை உயர்நீதிமன்ற நீதிபதி என்.ஆனந்த்வெங்கடேஷ் பேசினார்.

விஜயா வாசகர் வட்டம் சார்பில் உலகப் புத்தக தின விருதுகள் வழங்கும் விழா கோவை, பேரூர் தவத்திரு சாந்தலிங்க ராமசாமி அடிகளார் கலை, அறிவியல் தமிழ்க் கல்லூரி வளாகத்தில் ஞாயிற்றுக்கிழமை நடைபெற்றது.

விழாவுக்கு தலைமையேற்று விருதுகளை வழங்கி உயர்நீதிமன்ற நீதிபதி என்.ஆனந்த்வெங்கடேஷ் பேசியதாவது: கைப்பேசி, மடிக்கணினி போன்றவற்றின் திரைகளையே அனைவரும் பார்த்துக் கொண்டிருக்கின்றனர். இதனால், தன்னைச் சுற்றி என்ன நடக்கிறது என்பதைக்கூட உணர முடியாத நிலை ஏற்பட்டுள்ளது. இது தற்போதைய தலைமுறைக்கு சவாலாக உள்ளது.