டெல்லியை வீழ்த்தியது குஜராத்

ஐபிஎல் கிரிக்கெட்டில் குஜராத் டைட்டன்ஸ் 7 விக்கெட்டுகள் வித்தியாசத்தில் டெல்லி கேப்பிடல்ஸை சனிக்கிழமை சாய்த்தது.

- 

அகமதாபாத், ஏப். 19:

முதலில் டெல்லி 20 ஓவர்களில் 8 விக்கெட்டுகள் இழப்புக்கு 203 ரன்கள் சேர்க்க, குஜராத் 19.2 ஓவர்களில் 3 விக்கெட்டுகள் இழப்புக்கு 204 ரன்கள் எடுத்து வெற்றி பெற்றது.

குஜராத் தரப்பில் முதலில் பிரசித் கிருஷ்ணா 4 விக்கெட்டுகள் சாய்த்து பௌலிங்கில் அசத்த, பின்னர் ஜாஸ் பட்லர் பேட்டிங்கில் அதிரடியாக விளாசி அணியை வெற்றிக்கு வழிநடத்தினார். இந்த வெற்றியின் மூலமாக, புள்ளிகள் பட்டியலில் குஜராத் முதலிடத்துக்கு வந்தது.

முன்னதாக டாஸ் வென்ற குஜராத், பந்துவீச தயாரானது. டெல்லி தரப்பில் இன்னிங்ஸை தொடங்கிய அபிஷேக் பொரெல் 3 பவுண்டரிகள், 1 சிக்ஸருடன் 18 ரன்களுக்கு ஆட்டமிழந்தார். உடன் வந்த கருண் நாயர் சற்று நிலைக்க, ஒன் டவுனாக வந்த கே.எல்.ராகுல் 4 பவுண்டரிகள், 1 சிக்ஸருடன் 28 ரன்களுக்கு பெவிலியனுக்கு திரும்பினார்.