வங்கிகளை வசூல் முகவர்களாக மாற்றியுள்ள பாஜக அரசு

'மக்களிடமிருந்து கொள்ளையடிக்கும் வசூல் முகவர்களாக வங்கிகளை மத்திய பாஜக அரசு மாற்றியுள்ளது' என்று காங்கிரஸ் குற்றஞ்சாட்டியது.

- 

புது தில்லி, மார்ச் 29:

ஏடிஎம் பரிவர்த்தனை கட்டணத்தை ரூ. 23-ஆக உயர்த்திக்கொள்ள வங்கிகளுக்கு ரிசர்வ் வங்கி வெள்ளிக்கிழமை அனுமதி அளித்த நிலையில், இந்தக் குற்றச்சாட்டை காங்கிரஸ் முன்வைத்தது.

இதுபோல, வங்கிகள் சார்பில் வசூலிக்கப்படும் பல்வேறு கட்டணங்களைப் பட்டியலிட்டு தனது எக்ஸ் பக்கத்தில் காங்கிரஸ் தலைவர் மல்லிகார்ஜுன கார்கே சனிக்கிழமை வெளியிட்ட பதிவில் கூறியிருப்பதாவது:

நமது வங்கிகளை பிரதமர் மோடி தலைமையிலான மத்திய அரசு துரதிருஷ்டவசமாக வசூல் முகவர்களாக மாற்றியுள்ளது. ஏடிஎம் பரிவர்த்தனைக்கான கட்டணம் மிக அதிக அளவில் உயர்த்தப்பட்டுள்ளது.