பருவநிலை மாற்றத்தால் தெற்குலகம் கடும் பாதிப்பு

செஷல்ஸ் நாடாளுமன்றத்தில் பிரதமர் மோடி உரை

- 

'பருவநிலை மாற்றத்தால் தெற்குலகநாடுகள், குறிப்பாக தீவு நாடுகள் கடுமையாகப் பாதிக்கப்பட்டுள்ளன' என்று செஷல்ஸ் நாடாளுமன்றத்தில் ஆற்றிய உரையில் பிரதமர் நரேந்திர மோடி தெரிவித்தார்.

நேர்மை, பொறுப்புணர்வு, சமத்துவத்தால் வழிநடத்தப்படும் பருவநிலை தீர்வு நடவடிக்கைகள் அவசியம்' என்றும் அவர் வலியுறுத்தினார்.

இந்தியாவின் கடல்சார் அண்டை நாடான செஷல்ஸ் தீவுக்கு மூன்று நாள்கள் அரசுமுறைப் பயணமாக பிரதமர் மோடி சனிக்கிழமை வந்தார். தலைநகர் விக்டோரியாவில் உள்ள அந்த நாட்டின் நாடாளுமன்றத்தில் அவர் ஞாயிற்றுக்கிழமை உரையாற்றினார். செஷல்ஸ் நாடாளுமன்றத்தில் உரையாற்றிய முதல் இந்தியப் பிரதமர் என்ற பெருமை மோடிக்கு கிடைக்கப் பெற்றுள்ளது. அவரது உரை வருமாறு:

பருவநிலை மாற்றத்தின் விளைவுகள் கடற்கரைகள், கடல்சார் சூழல் அமைப்புகள், வானிலை முறைகள் மற்றும் சமூகங்களில் ஏற்கெனவே தென்பட்டு வருகின்றன.