அல்கராஸ் அசத்தல்

இறுதிச்சுற்றில் சின்னரை சாய்த்தார்

- 

நியூயார்க், செப். 8: யுஎஸ் ஓபன் கிராண்ட்ஸ்லாம் டென்னிஸ் போட்டியில், ஆடவர் ஒற்றையரில் ஸ்பெயின் வீரர் கார்லோஸ் அல்கராஸ் சாம்பியன் ஆனார்.

இந்திய நேரப்படி, திங்கள்கிழமை அதிகாலை நிறைவடைந்த இறுதிச்சுற்றில், நடப்பு சாம்பியனாகவும், உலகின் நம்பர் 1 வீரராகவும் களமிறங்கிய இத்தாலியின் யானிக் சின்னரை 6-2, 3-6, 6-1, 6-4 என்ற செட்களில் வென்ற அல்கராஸ், யுஎஸ் ஓபன் கோப்பை வென்றதுடன், உலகின் நம்பர் 1 இடத்தையும் சின்னரிடம் இருந்து தட்டிப்பறித்தார்.