ஸ்ரீரங்கம் உள்பட 50 கோயில்களின் வரவு-செலவு கணக்கை ஒரு மாதத்துக்குள் வெளியிட உயர்நீதிமன்றம் உத்தரவு

அதிக வருமானம் வரக்கூடிய ஸ்ரீரங்கம், பழனி உள்ளிட்ட 50 கோயில்களின் வரவு செலவு கணக்கு விவரங்களை ஒரு மாதத்துக்குள் இந்து சமய அறநிலையத்துறை வெளியிட வேண்டும் என சென்னை உயர்நீதிமன்றம் உத்தரவிட்டது.

- 

சென்னை, ஆக. 21:

சென்னை மயிலாப்பூரை சேர்ந்த டி.ஆர்.ரமேஷ் என்பவர் உயர்நீதிமன்றத்தில், தாக்கல் செய்த பொதுநல மனுவில், அறநிலையத் துறைக் கட்டுப்பாட்டில் உள்ள கோயில்களில் ரூ.1000-க்கு மேல் வருமானம் இருந்தால், அக்கோயிலின் வரவு செலவு கணக்கை பொதுமக்கள் பார்வையிடும் வகையில் ஆண்டுதோறும் வெளியிட வேண்டும் என்பது இந்து சமய அறநிலையத்துறை சட்ட விதி. ஆனால், கடந்த 40 ஆண்டுகளுக்கு மேல் கோயில்களின் வரவு-செலவு கணக்கு வெளியிடப்படவில்லை.

கடந்த 1986-ஆம் ஆண்டு முதல் கோயில்களின் வரவு-செலவு கணக்கில் சுமார் 10.80 லட்சம் கேள்விகள் தணிக்கையாளர்களால் கேட்கப்பட்டு, அக்கேள்விகளுக்கு இதுவரை தீர்வு காணப்படாமல் உள்ளன. அதாவது ரூ.1,549 கோடி அளவுக்கு இதுவரை தீர்வு காணப்படவில்லை.