அமைச்சர் ஐ.பெரியசாமி தொடர்புடைய இடங்களில் அமலாக்கத் துறை சோதனை

சட்டவிரோத பணப் பரிமாற்ற புகார் தொடர்பாக அமைச்சர் ஐ.பெரியசாமி தொடர்புடைய இடங்களில் அமலாக்கத் துறையினர் சனிக்கிழமை சோதனை செய்தனர்.

- 

சென்னை, ஆக. 16:

தமிழக ஊரக வளர்ச்சித் துறை அமைச்சராக இருக்கும் திண்டுக்கல்லைச் சேர்ந்த ஐ.பெரியசாமி, கடந்த 2006 முதல் 2010-ஆம் ஆண்டு வரையிலான திமுக ஆட்சியில் வருவாய், சட்டம், சிறை மற்றும் வீட்டு வசதித் துறை அமைச்சராக இருந்தார். அந்தக் காலகட்டத்தில் வருமானத்துக்கு அதிகமாக ரூ.2 கோடியே 1 லட்சத்து 35 ஆயிரம் மதிப்பில் சொத்து சேர்த்ததாக ஐ.பெரியசாமி, அவரின் மனைவி பி.சுசீலா, தற்போதைய பழனி பேரவைத் தொகுதி திமுக உறுப்பினரும் ஐ.பெரியசாமியின் மகனுமான பி.செந்தில்குமார், மற்றொரு மகன் பி.பிரபு ஆகியோர் மீது திண்டுக்கல் மாவட்ட ஊழல் தடுப்புத் துறையினர் கடந்த 2012-இல் வழக்குப் பதிவு செய்தனர்.