மணப்பாறை, லால்குடி, துறையூரில் சுதந்திர தினம்

திருச்சி மாவட்டம், மணப்பாறையில் சுதந்திரதினத்தை முன்னிட்டு அரசு அலுவலகங்களில் வெள்ளிக்கிழமை தேசிய கொடியேற்றப்பட்டது.

- 

மணப்பாறை/லால்குடி/மண்ணச்சநல்லூர்/துறையூர், ஆக. 15:

ஒருங்கிணைந்த நீதிமன்றம்: நீதிமன்ற வளாகத்தில் சார்பு நீதிபதியும், வட்டச் சட்டப்பணிகள் குழு தலைவருமான ராஜசேகர் தேசியக்கொடியேற்றிப் பேசினார். மாவட்ட முதன்மை உரிமையியல் நீதிபதி ஜெயமுருகன், மாவட்ட கூடுதல் உரிமையியல் நீதிபதி தர்மசீலன், குற்றவியல் நடுவர் அசோக்குமார் மற்றும் வழக்கறிஞர்கள் சங்கத் தலைவர் செங்குட்டுவன், மோகன்தாஸ் உள்ளிட்டோர் பங்கேற்றனர்.

எம்எல்ஏ அலுவலகம்: எம்எல்ஏ ப. அப்துல்சமது தேசியக்கொடியேற்றினார். நிகழ்வில் திமுக நகரச் செயலர் மு.ம. செல்வம், ஒன்றியச் செயலர் செல்வராஜ், விசிக மதனகோபால், காங்கிரஸ் மிலிட்டரி முருகன், மமக அக்பர் உள்ளிட்டோர் பங்கேற்றனர்.

நகராட்சி: மணப்பாறை நகராட்சி அலுவலகத்தில் நகர்மன்றத் தலைவர் கீதா ஆ.மைக்கேல்ராஜ் தேசியக்கொடியேற்றினார். கலை நிகழ்ச்சிகள் நடைபெற்றன.