பிரதமரின் வெளிநாட்டுப் பயணம் குறித்த பஞ்சாப் முதல்வரின் விமர்சனம் கண்ணியக் குறைவானது

ஹரியாணா முதல்வர் நாயப் சிங் சைனி விமர்சனம்

- 

சண்டீகர், ஜூலை 12: பிரதமர் நரேந்திர மோடியின் வெளிநாட்டுப் பயணங்கள் குறித்த பஞ்சாப் முதல்வர் பகவந்த் மானின் விமர்சனம் அரசியல் சாசன பதவிகளின் கண்ணியத்தைக் குறைக்கும் வகையில் உள்ளதாக ஹரியாணா முதல்வர் நாயப் சிங் சைனி குற்றம்சாட்டியுள்ளார்.

பிரதமர் மோடியின் வெளிநாட்டுப் பயணம் குறித்து பஞ்சாப் முதல்வர் பகவந்த் மான் வியாழக்கிழமை கருத்து தெரிவிக்கையில், 'பிரதமர், கானா உள்ளிட்ட சிறிய நாடுகளுக்குச் சென்றுள்ளார். இந்த நாடுகள் எங்கே இருக்கின்றன என்பது நமக்குத் தெரியவில்லை. 140 கோடி மக்கள் வாழும் நாட்டில் (இந்தியா) அவர் தங்கியிருப்பதில்லை. 10,000 மக்கள்தொகை கொண்ட நாடுகளுக்கு பிரதமர் செல்கிறார். அந்நாடுகளின் உயரிய விருதை அவர் பெற்றுக்கொள்கிறார். நம் நாட்டில் ஜேசிபி இயந்திரங்களை வேடிக்கை பார்க்கவே 10,000 பேர் கூடுகிறார்கள்' என்று கூறியிருந்தார்.