பயிர்க் காப்பீடு: விவசாயிகளுக்கு அழைப்பு

திருச்சி மாவட்டத்தில் பயிர் சாகுபடியில் ஈடுபட்டுள்ள விவசாயிகள் அனைவரும் தவறாமல் காப்பீடு செய்து கொள்ள வேண்டும் என ஆட்சியர் வே. சரவணன் அழைப்பு விடுத்துள்ளார்.

- 

திருச்சி, ஜூலை 3:

இதுதொடர்பாக, அவர் வெளியிட்டுள்ள செய்திக்குறிப்பு: விவசாய பயிர்கள் சாகுபடியில் எதிர்பாராத இயற்கை இடர்பாடுகள் ஏற்பட்டால், அதிலிருந்து விவசாயிகளைப் பாதுகாக்க ஏதுவாக பிரதமரின் பயிர்க் காப்பீட்டு திட்டம் மத்திய, மாநில அரசுகளால் அமல்படுத்தப்பட்டு வருகிறது. திருச்சி மாவட்டத்தில் 2025-26 ஆம் ஆண்டுக்கு காரீப் பருவத்தில் ஷ்மா இன்சூரன்ஸ் கம்பெனி என்ற காப்பீடு நிறுவனத்தால் பயிர்க்காப்பீடு செயல்படுத்தப்படவுள்ளது.