மதுரை அமெரிக்கன் கல்லூரி முதல்வர் பணியிடை நீக்கம்

மதுரை அமெரிக்கன் கல்லூரி முதல்வர் எம். தவமணி கிறிஸ்டோபரை பணியிடை நீக்கம் செய்து, தமிழ்நாடு கல்லூரிக் கல்வி இயக்ககம் வியாழக்கிழமை உத்தரவிட்டது.

- 

மதுரை, மே 30:

சனிக்கிழமை (மே 31) ஓய்வு பெற இருந்த நிலையில், அவர் மீது இந்த நடவடிக்கை எடுக்கப்பட்டது குறிப்பிடத்தக்கது.

மதுரையில் உயர் கல்வி அளிக்கும் நிறுவனங்களில் அமெரிக்கன் கல்லூரி குறிப்பிடத்தக்கது. இந்தக் கல்லூரியின் செயலராகவும், முதல்வராகவும் எம். தவமணி கிறிஸ்டோபர் பதவி வகித்து வந்தார். மதுரை காமராஜர் பல்கலைக்கழகத் துணை வேந்தராகப் பணியாற்றிய ஜ.குமார் தனது பதவியை ராஜிநாமா செய்த போது, இந்தப் பல்கலைக்கழகத்தின் அலுவல் பணிகளைக் கண்காணிக்க ஒருங்கிணைப்புக் குழு அமைக்கப்பட்டது.