2-ஆவது சுற்றில் சிந்து, பிரணாய்

சிங்கப்பூர் ஓபன் பாட்மிண்டன் போட்டியில், இந்தியாவின் பி.வி. சிந்து, ஹெச்.எஸ். பிரணாய் ஆகியோர் 2-ஆவது சுற்றுக்கு செவ்வாய்க்கிழமை முன்னேறினர்.

- 

சிங்கப்பூர், மே 27: சிங்கப்பூர் ஓபன் பாட்மிண்டன் போட்டியில், இந்தியாவின் பி.வி. சிந்து, ஹெச்.எஸ். பிரணாய் ஆகியோர் 2-ஆவது சுற்றுக்கு செவ்வாய்க்கிழமை முன்னேறினர். இதர இந்தியர்கள் தொடக்கத்திலேயே தோல்வியைத் தழுவினர்.

முதல் சுற்றில் மகளிர் ஒற்றையரில், பி.வி. சிந்து 21-14, 21-9 என்ற கணக்கில் கனடாவின் வென் யு ஜாங்கை 31 நிமிடங்களில் எளிதாகத் தோற்கடித்தார். ரக்ஷிதா ஸ்ரீ 14-21, 8-21 என்ற கணக்கில், தென் கொரியாவின் கிம் கா யுனிடம் தோற்றார்.