திண்டுக்கல் தனியார் நிறுவனத்தின் உரிமத்தை நிறுத்தி வைத்த உத்தரவு ரத்து

திருப்பதி தேவஸ்தானத்துக்கு கலப்பட நெய் வழங்கியதாக எழுந்த விவகாரத்தில், திண்டுக்கல்லை சேர்ந்த தனியார் நிறுவனத்தின் உரிமத்தை நிறுத்தி வைத்த உத்தரவை உயர்நீதிமன்றம் வெள்ளிக்கிழமை ரத்து செய்தது.

- 

சென்னை, மே 16:

பிரசித்தி பெற்ற திருப்பதி ஏழுமலையான் கோயிலில் பிரசாதமாக விற்பனை செய்யப்படும் லட்டு தயாரிப்பதற்காக திண்டுக்கல்லைச் சேர்ந்த ஏ.ஆர். டெய்ரி நிறுவனம் உள்ளிட்ட பல்வேறு நிறுவனங்களிடமிருந்து திருப்பதி தேவஸ்தானம் சார்பில் நெய் கொள்முதல் செய்யப்படுகிறது. அவ்வாறு கொள்முதல் செய்யப்பட்ட நெய்யில் மாட்டுக் கொழுப்பு கலந்ததாக புகார் எழுந்தது. இதையடுத்து திண்டுக்கல் ஏ.ஆர்.டெய்ரி நிறுவனத்தின் உரிமத்தை நிறுத்தி வைப்பதாக உணவுப்பாதுகாப்புத்துறை அறிவித்தது.