கொதிக்கும் தார் உலையில் வீசி முன்னாள் ராணுவ வீரர் கொலை: இருவர் கைது

விருதுநகர் மாவட்டம், காரியாபட்டி அருகே ஓய்வு பெற்ற ராணுவ வீரரை கட்டையால் அடித்து கொதிக்கும் தார் உலையில் வீசி கொலை செய்த இருவரை போலீஸார் வியாழக்கிழமை கைது செய்தனர்.

- 

விருதுநகர், மார்ச் 13:

சிவகங்கை மாவட்டம், காரைக்குடி அருகே உள்ள குன்றக்குடியைச் சேர்ந்த ஓய்வு பெற்ற ராணுவ வீரர் துரைப்பாண்டி (62). இவரது மனைவி மலர்விழி (54). இவர் திருப்பத்தூர் அரசு மேல்நிலைப் பள்ளியில் தலைமை ஆசிரியையாகப் பணிபுரிந்து வருகிறார்.

இவர்களுடைய இரு மகன்களில் ஒருவர் வெளிநாட்டில் உள்ளார். மற்றொருவர் பெற்றோருடன் வசித்து வருகிறார்.

இந்த நிலையில், கடந்த ஜனவரி மாதம் 27-ஆம் தேதி மனைவியுடன் ஏற்பட்ட தகராறில் வீட்டை விட்டு வெளியேறிய துரைப்பாண்டி, தனது சொந்த ஊரான விருதுநகர் மாவட்டம், காரியாபட்டி அருகேயுள்ள மேல அழகியநல்லூருக்கு வந்து தங்கினார். கணவரின் கைப்பேசிக்கு பல முறை தொடர்பு கொண்டும் அவர் எடுக்காததால், இதுகுறித்து அவரது மனைவி மலர்விழி குன்றக்குடி காவல் நிலையத்தில் புகார் அளித்தார்.