தமிழர்களின் அடையாளம்!

திருநெல்வேலியை மதுரை, நாகர்கோவில், தூத்துக்குடியுடன் இணைக்கும் நாற்கரச் சாலையின் ஓரத்தில் ரெட்டியார்பட்டியில் உள்ள பொருநை அருங்காட்சியகம் தமிழர்களின் வீரத்தின் அடையாளமாகத் திகழ்கிறது.

- -பொ. ஜெயச்சந்திரன்

'இந்தியர்களுக்குப் புகைக்கும் பழக்கத்தை 300 ஆண்டுகளுக்கு முன் போர்ச்சுக்கீசியர்கள்தான் அறிமுகப்படுத்தினர்' என்பார்கள். ஆனால், 4,500 ஆண்டுகளுக்கு முன்பே தமிழர்களுக்குப் புகைக்கும் பழக்கம் இருந்துள்ளதற்கான சான்றாகப் பழைமையான சுடுமண்ணால் செய்த புகைப்பான்கள் பொருநை ஆற்றோரத்தில் கண்டுபிடிக்கப்பட்டு, இங்கே காட்சிப்படுத்தப்பட்டுள்ளன.

இந்த அருங்காட்சியகம் குறித்து மனோன்மணியம் சுந்தரனார் பல்கலைக்கழகத்தின் தொல்லியல் துறைத் தலைவர் (பொறுப்பு) முனைவர் சி.சுதாகர் கூறியது:

"பண்டைய மக்கள் பயன்படுத்திய பித்தளை மணிகள் இங்குள்ளன. இந்த மணிகளை அந்தக் கால மக்கள் தங்கள் ஆடு, மாடுகளின் கழுத்தில் கட்டப் பயன்படுத்தியிருக்கலாம். இந்த மணிகள் எழுப்பும் ஒலி, மேய்ச்சலுக்குச் சென்ற கால்நடைகளைக் கண்காணிக்கப் பயன்பட்டிருக்கும். பனையூர், திருச்செந்தூர், மணப்பாடு உள்ளிட்ட பகுதிகளில் பல உருவங்களில் தொல்லியல் எச்சப் பாறைகள், 'தமிழி' எழுத்துகள் மாதிரிகள், வட்டெழுத்துக் கல்வெட்டுகளையும் எடுத்து வந்து இங்கே காட்சிப்படுத்தலாம். அருங்காட்சியக வளாகத்திலேயே பார்வையாளர்கள் மண் பானைகளைச் செய்து பழகவும், செய்த பானையை எடுத்துச் செல்லவும் ஏற்பாடு செய்யலாம். இவையெல்லாம் என் கோரிக்கைகள். குளிரூட்டப்பட்ட அரங்குகளாக உள்ள அருங்காட்சியகத்தில் பாரம்பரிய உணவுகளும் விற்பனையாகின்றன.

திருகுச் சொம்பு: