மின்னணு கழிவுகளை சேகரித்து மறுசுழற்சி செய்யும் ‘சூழல் சிங்கம்’ அமைப்பின் இணையதளம் தொடக்கம்

தூத்துக்குடியில் பொதுமக்களிடமிருந்து மின்னணு கழிவுகளை சேகரித்து மறுசுழற்சி செய்யும் ‘சூழல் சிங்கம்’ எனும் அமைப்பின் இணையதளத்தை கனிமொழி எம்.பி. தொடங்கி வைத்தார்.

- 

தூத்துக்குடி, செப். 3:

தூத்துக்குடி மாவட்டத்தில், இளம் தொழில் முதலீட்டாளர்களை ஊக்குவிக்கும் நோக்கில், திமுக துணைப் பொதுச் செயலர் கனிமொழி எம்.பி. முன்னெடுப்பில் புத்தொழில் களம் எனும் நிகழ்ச்சி நடைபெற்றது.

இந்நிகழ்ச்சியில், தேர்வு செய்யப்பட்ட குழுவினர், தற்போது இம் மாவட்டத்தில் வரக்கூடிய மின்னணு கழிவுகளை சேகரித்து, அவற்றை மறுசுழற்சி செய்யும் வகையில் சூழல் சிங்கம் என்ற அமைப்பை நிறுவியுள்ளனர்.

இதன் தொடக்க நிகழ்ச்சி, தூத்துக்குடி சுப்பையா வித்யாலய பெண்கள் மேல்நிலைப் பள்ளியில் புதன்கிழமை நடைபெற்றது.